Ақтөбе облысының білім беру саласындағы тынымсыз шығармашылық еңбегі
Ақтөбе облысының білім беру саласындағы тынымсыз шығармашылық еңбегі және өскелең ұрпақты оқыту мен тәрбиелеудегі қол жеткізген табыстары үшін № 32 мектеп-гимназияның ағылшын тілі пәнінің мұғалімі Кумекбаева Лира Бисембиевна Құрмет грамотасымен марапатталды. Мыңдаған шәкірттерін білім нәрімен сусындатып, тәрбие тағылымын дарытқан ұстазымызды кәсіби мерекеңізбен шын жүректен құттықтаймыз! Деніңізге саулық, отбасыңызға амандық, ұзақ ғұмыр тілейміз!
Білім беру мен тәрбиелеу процесін ұйымдастыру мен жетілдірудегі
Білім беру мен тәрбиелеу процесін ұйымдастыру мен жетілдірудегі, оқыту мен тәрбиелеудің біртұтастығын қамтамасыз етудегі және іске асырудағы елеулі табыстары үшін, оқушыларды даярлаудағы, олардың шығармашылық белсенділігін арттырудағы еңбектері үшін қалалық, облыстық, республикалық, халықаралық білім бағдарламалары мен жобаларындағы жеткен жетістіктері үшін М.Құрманғалиева атындағы #32мектеп_гимназиясының үздік ұстазы Бекетова Күлай Қарабасқызы ҚР білім және ғылым министрі А.Қ.Айтмағанбетовтың арнайы қабылдауында болып
"Ыбырай Алтынсарин" төсбелгісімен марапатталды.
М.Құрманғалиева атындағы № 32 мектеп-гимназиясына жаңа оқу жылы қарсаңында
М.Құрманғалиева атындағы № 32 мектеп-гимназиясына жаңа оқу жылы қарсаңында, “Мектепке жол” Республикалық акциясы аясында № 3 қалалық емхананың басшылығы мектеп оқушылары мен ата-аналарына қолдау көрсетуге шешім қабылдап, аз қамтылған отбасы балаларына 300,0 мың теңге (15сертификат) сыйлық сертификаттарын табыстады.
"Сыңғырла қоңырау үні, Қош келдің, білім күні"
М.Құрманғалиева атындағы #32 мектеп- гимназиясында "Сыңғырла қоңырау үні, Қош келдің, білім күні" атты тақырыпта алғашқы қоңырау салтанатты мерекесі өтті. Биылғы оқу жылында мектеп-гимназия табалдырығынан #158 бүлдіршін аттады. #1-#11 " кластар арасында 2022-2023 оқу жылының басталуына арналған «Терең білім, еңбекқорлық және отаншылдық қасиет» тақырыбында бірыңғай сынып сағаттары өткізілді. #Сонымен қатар, М.Құрманғалиева атындағы #32мектеп-#гимназия ұжымы барша Қазақ елін бүгінгі жарқын да қуанышты мереке-#Білім күнімен құттықтай отыра, жаңа оқу жылына шығармашылық табыстар мен жаңа бастамаларға тек қана сəттіліктер тілейді.
«Ұлттың ұлағаты — мәдениетте, мәдениеттің ұлағаты — оқу мен әдебиетте», — деген екен Ахмет Байтұрсынұлы.
Бүгінгі күн - үлкен сый. “Орта білім беретін үздік ұйым” гранты М.Құрманғалиева атындағы 32 мектеп-гимназиясына бұйырды. Білікті басшымыз,мектеп-гимназия директоры Джамбулова Айжан Сматқызының және мектеп ұжымы мен гимназиямыздың дарынды оқушыларының арқасында білім ұясы үздік мектептер қатарында.
Байқау нәтижесінде 9000000 (тоғыз миллион)теңге көлеміндегі сыйақы берілді.
Әрқашан мектеп ұжымына шығармашылық табыс тілейміз.Үздік үлгі ,өрелі өнеге беретін гимназия тұғыры әрқашан биік болсын
